 |
ယနေ့တွင် ကိုယ်စားလှယ်များအား စိစစ်ခြင်း၊ အစည်းအဝေး သဘာပတိ ရွေးချယ်ခြင်း၊ လွှတ်တော် ကိုယ်စားလှယ်များ ကတိသစ္စာပြုခြင်း၊ ပြည်သူ့ လွှတ်တော်၏ ဥက္ကဋ္ဌနှင့် ဒုတိယဥက္ကဋ္ဌ၊ အမျိုးသား လွှတ်တော်၏ ဥက္ကဋ္ဌ နှင့် ဒုတိယဥက္ကဋ္ဌတို့အား ရွေးချယ်ခြင်း၊ ရွေးချယ်ခံလိုက်ရသော လွှတ်တော်ဥက္ကဋ္ဌများက သဘာပတိထံမှ တာဝန်များ လွှဲပြောင်းယူပြီး နောက်တနေ့ အစီအစဉ်များကို လွှတ်တော်ဥက္ကဋ္ဌများက ချမှတ် ညွှန်ကြားခြင်းများ ပြုလုပ်မည်ဖြစ်ကြောင်း လွှတ်တော် ကိုယ်စားလှယ် များက ပြောသည်။
ယင်း လွှတ်တော် အစည်းအဝေးအခမ်းအနားသည် ညနေ ၄ နာရီကျော်တွင် ပြီးဆုံးမည်ဟု သိရသည်။
“လွှတ်တော်ထဲမှာပဲ နေ့လယ်စာကျွေးမယ်။ ဖုန်းနဲ့ အီလက်ထရွန်နစ် ပစ္စည်းတွေ အဆောင်မှာ ထားခဲ့ရမယ်။ လွှတ်တော်ဥက္ကဋ္ဌတွေ ရွေးပြီးမှပဲ သူတို့က နောက်နေ့ ဘာတွေ လုပ်မယ်ဆိုတာ ညွှန်ကြားမှာဆိုတော့ အခု ပထမဆုံးနေ့ အစီအစဉ်တွေပဲ သိသေးတယ်” ဟု ပါတီ ကိုယ်စားလှယ် တဦးက ပြောသည်။
နေပြည်တော်တခွင်တွင် လုံခြုံရေး အထူးတိုးမြှင့်ထားပြီး လွှတ်တော် အဆောက်အအုံသို့ သွားရာ ကားလမ်းမကြီးကို မည်သူမျှ ဖြတ်သန်းခွင့် မပြုတော့ကြောင်း နေပြည်တော် ဒေသခံများက ဆိုသည်။
တိုင်းရင်းသား လွှတ်တော် ကိုယ်စားလှယ်တဦးက လွှတ်တော် ဥက္ကဋ္ဌများ ရွေးချယ်ပြီးပါက လွှတ်တော် အစည်းအဝေးများ ဆက်တိုက်ကျင်းပကာ သမ္မတနှင့် ဒုတိယသမ္မတများ တိုက်ရိုက် ရွေးချယ် သွားမည်ဟု ထင်မြင်ကြောင်း ပြောသည်။
၂၀၁၀ ရွေးကောက်ပွဲအပြီး အစိုးရသစ်တွင် ဗိုလ်ချုပ်မှူးကြီး သန်းရွှေက သမ္မတအဖြစ် တာဝန်ယူသွားမည်ဟု နေပြည်တော်စစ်တပ် အသိုင်းအ၀န်းနှင့် အစိုးရ၀န်ထမ်းအသိုင်းအဝန်းက ထင်မြင်ယူဆနေကြသည်။
သို့ရာတွင် ဝန်ကြီးချုပ် ဦးသိန်းစိန်ကို သမ္မတရာထူး ခန့်ထားမည်ဟု ခန့်မှန်းသူများလည်း ရှိနေကြသည်။ (ဧရာဝတီ)
No comments:
Post a Comment