ရာဇ၀င် (နယူးဇီလန်) 19 June 2011
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ရဲ့ (၆၆)နှစ်မြောက်မွေးနေ့ ပွဲအခမ်းအနားကို နယူးဇီလန်နိုင်ငံ ၊အော့က်က လန်မြို့တွင် ၂၀၁၁၊ ဇွန်လ ၁၉ ရက် (တနင်္ဂနွေနေ့) နယူးဇီလန် စံတော်ချိန် ညနေ ၃ နာရီမှ ၅ နာရီအထိ ကျင်းပခဲ့ပါတယ်။
အခမ်းအနားတွင် ဗုဒ္ဓဘာသာ ရဟန်းတော်များက ဒေါ်အောင်ဆန်းစုကြည်အတွက် ပရိတ်တရားတော်ကို ရွတ်ဖတ်ကာ မွေးနေ့ဆုတောင်း မေတ္တာပို့သပေးခဲ့ပါတယ်။ ထို အခမ်းအနားကို နယူးဇီလန် လွှတ်တော်အမတ်များ ဖြစ်ကြတဲ့ ဂရင်းပါတီ (Green Party) ပါလီမန်အမတ် မစ္စတာ ကိသ်လော့ (Keith Lock) နဲ့ လေဘာပါတီ (Labor Party) အမတ် ကာရို ဗျူးမောက် (Carol Beaumont) တို့ ဧည့်သည်တော်အဖြစ် တက်ရောက် ကာ၊ မွေးနေ့ နှုတ်ခွန်းဆက် စကား ပြောကြားခဲ့ကြပြီး၊ ဒေါ်အောင်ဆန်းစုကြည် မွေးနေ့ကိတ်ကိုခွဲ၍ မွေးနေ့ဆုတောင်းပေးခဲ့ကြပါတယ်။
ထို့အပြင် အမျိုးသား ဒီမိုကရေစီအဖွဲ့ချုပ်ဝင်များနဲ့ မြန်မာ့ ဒီမိုကရေစီရေးလှုပ်ရှားသူများကလည်း ဒေါ်အောင်ဆန်းစုကြည်ရဲ့ နိုင်ငံရေး၊ လှုမှုရေး လှုပ်ရှားမှုအချို့အကြောင်းနဲ့ နှုတ်ခွန်းဆက်စကားများ အသီးသီး ပြောကြားခဲ့ပါတယ်။ ဒေါ်အောင်ဆန်းစုကြည် ရဲ့ မွေးနေ့ ဟာ မြန်မာနိုင်ငံ အမျိုးသမီးများနေ့လည်း ဖြစ်တဲ့အတွက် အခမ်းအနားကို တက်ရောက်လာကြတဲ့ အမျိုးသမီးများက လည်း ဒေါ်အောင်ဆန်းစုကြည်ရဲ့ မိခင်စိတ်ဓါတ်၊ မြန်မာအမျိုးသမီးခေါင်းဆောင်တဦးရဲ့ ဒီမိုကရေစီရေးကို အမျိုးသားများနဲ့ ရင်ဘောင်တန်း လှုပ်ရှားနေမှုများကို ပြောကြားခဲ့ကြပါတယ်။
အခမ်းအနားတွင် နယူးဇီလန်ရောက် မြန်မာ့မျိုးဆက်သစ်လူငယ်လေးများအတွက်ရည်ရွယ်ကာ (အမေစုနှင့် မြန်မာပြည် ) ခေါင်းစဉ်ဖြင့် ပန်းချီပြိုင်ပွဲ ပြုလုပ်ပေးခဲ့ပြီး၊ ဆုရရှိသူများနဲ့ ပြိုင်ပွဲဝင်သူအားလုံးကို ဆုအသီးသီး ချီးမြှင့်ပေးခဲ့ပါတယ်။ ထို့နောက် တက်ရောက်လာသူအားလုံးက “ဒေါ်အောင်ဆန်းစုကြည် သက်တော်ရာကျော် ရှည်ပါစေ” ဟု သုံးကြိမ် ဆုတောင်းကာ အခမ်းအနားကို ရုပ်သိမ်းခဲ့ပါတယ်။ အခမ်းအနားအပြီးတွင် တက်ရောက်လာသူများအားလုံးကို မြန်မာ့ရိုးရာ အစားအစာ အုန်းနို့ခေါက်ဆွဲဖြင့် တည်ခင်းဧည့်ခံခဲ့ကြပါတယ်။ (သတင်း၊ ဓါတ်ပုံ - ရာဇ၀င် )
No comments:
Post a Comment